Ehrlichkeit

Keine Angst, ich will niemandem eine Standpauke halten. Ich bin aber trotzdem der Meinung, dass es manchmal nicht schadet, darauf hinzuweisen, wie wichtig es ist, ehrlich zu sein.

Wenn alles gut geht, lernt man von klein auf, nicht zu lügen. Meine Eltern sagten immer, mit Lügen komme man nicht weit im Leben. Sie sagten, man solle zu den eigenen Taten stehen und lernen, mit den Folgen umzugehen. Sie nannten immer Beispiele, und bei meinen Geschwistern und mir ist das hängen geblieben.

Ich will jetzt nicht angeben, denke aber, dass meine Eltern sehr ehrliche Kinder haben. Immer wenn etwas passierte, wenn etwas kaputtging oder eine Ungleichheit entlarvt wurde, erzählten wir ihnen das. Nicht immer gerne, aber wir taten es trotzdem immer. So habe ich gelernt, dass es nicht immer einfacher ist, die Wahrheit zu sagen, statt zu lügen, aber es schlussendlich mehr bringt.

Meine Eltern haben uns nämlich immer unterstützt. Dank dieser Erfahrungen und dieser Erziehung ist mir Ehrlichkeit sehr wichtig. Ich habe null Toleranz gegenüber Lügen. Schade, dass nicht alle das so sehen … Leider ist Ehrlichkeit nicht etwas Selbstverständliches. Das habe ich erst kürzlich wieder feststellen müssen.

Wollen wir doch kurz schauen, was es überhaupt bedeutet, ehrlich zu sein. Ehrlichkeit setzt Korrektheit, Fairness und Offenheit voraus. Und das nicht nur gegenüber anderen, sondern auch sich selbst gegenüber. Wenn man ehrlich ist, kann man Vertrauen aufbauen. Und Vertrauen, das wollen und brauchen wir Menschen einfach, um zu leben.

Wenn wir den Menschen nicht trauen können, sind wir allein. Und ist es nicht so, dass wir froh sind, wenn andere ehrlich zu uns sind? Sei das in der Familie, in Beziehungen, unter Freunden und auch am Arbeitsplatz. Eigentlich in der ganzen Gesellschaft! Wenn wir einkaufen gehen, hoffen wir auf einen ehrlichen Verkäufer. Wir sind froh, nicht angeschwindelt zu werden, weil wir wissen, dass wir nicht alles kontrollieren können. Nur so funktioniert das Zusammenleben.

Klar, manchmal kommt es zu Situationen, in denen eine Lüge sich besser eignen würde als die Wahrheit. Und das ist nicht immer einfach. Es gibt auch die sogenannten Notlügen. Und so erzählen wir vielleicht manchmal eine kleine Lüge – vielleicht unbewusst und ohne grosse Schuldgefühle.

Niemand ist heiliger als Maria, und so tut es manchmal vielleicht auch die Unwahrheit. Es geht mir auch nicht unbedingt um Kleinigkeiten und Notlügen. Es geht mir um Lügen, wo andere Menschen betrogen und auf den Arm genommen werden, und wo sie anderer Meinung wären und sich anders benehmen würden, wenn sie die Wahrheit wüssten. Es können Lügen jeglicher Art sein. Lügen, die gar nicht in Ordnung sind.

Hauptgrund, weshalb solche Lügen überhaupt existieren, ist meiner Meinung nach der Mut, den es braucht, um die Wahrheit zu sagen. Teilweise grossen Mut. Die Wahrheit schmerzt oft mehr als eine Lüge. Rechtfertigt das aber das Lügen? Nein! Jeder hat das Recht auf Wahrheit. Lügen sind etwas für Schwächlinge, die Wahrheit zu sagen, etwas für Starke. Starke Leute wissen mit den Folgen umzugehen. Sei dies mit der Wut oder Traurigkeit der Mitmenschen oder damit, dass sie deren Vertrauen verlieren. Starke Leute können darüber stehen und verstehen, dass die Wahrheit trotzdem die bessere Variante ist. Schwache Leute leben lieber jahrzehntelang mit Lügen, schlafen schlecht und nehmen, je nach Lebenslauf, die Lügen mit sich ins Grab.

Schlussendlich müssen alle selber wissen, ob sie lügen wollen oder nicht. In dieser Hinsicht ist der Mensch frei, und niemand kann jemandem etwas vorschreiben. Man muss sich aber bewusst machen: Die Wahrheit zu sagen, zeigt den Charakter, zu lügen aber auch.

*Bettina Cadotsch ist in Savognin aufgewachsen und hat in Chur die zweisprachige Matura gemacht. Im Moment arbeitet sie als Praktikantin bei Radio Südostschweiz.

Sinceradad

Betg avair tema, jau na vi betg dar in lavachau ad insatgi. Jau sun però tuttina da l’opiniun ch’i na fetschia tranteren betg donn da menziunar quant impurtant ch’igl è dad esser sincer.

Sch’i va bain, emprendain nus da pitschen da betg smanzegnar. Mes geniturs schevan adina ch’ins na vegnia betg lunsch en la vita cun manzegnas. Els schevan ch’ins haja da star tar quai ch’ins ha fatg ed era d’emprender dad ir enturn cun las consequenzas. Els faschevan adina exempels e quai è restà en memoria a mes fragliuns ed a mai.

Jau na vi uss insumma betg blagar, pens però che mes geniturs han uffants fitg sincers. Mintga giada ch’igl è capità insatge, ch’insatge vegniva rut u ch’i capitava insatge malgist, avain nus ditg quai ad els. Betg adina gugent, però tuttina adina ditg. Uschia hai jau emprendì che dir la vardad n’è betg adina pli simpel che dir manzegnas, ma la finala porti dapli.

Mes geniturs ans han numnadamain adina sustegnì. Grazia a questas experientschas ed a questa educaziun è la sinceradad fitg impurtanta per mai. Jau n’hai nagina toleranza per manzegnas. Donn che betg tuts na vesan quai uschia … Deplorablamain n’è sinceradad betg insatge evident. Quai hai jau stuì realisar gist puspè dacurt.

Lain guardar curtamain tge ch’i signifitga insumma dad esser sincer. Esser sincer munta dad esser correct, fair ed avert. E quai betg mo cun auters, mabain era cun sasez. Sch’ins è sincer, pon ins crear fidanza. La fidanza è insatge che nus umans vulain e duvrain simplamain per viver.

Sche nus na pudain betg fidar a la glieud, essan nus sulets. E n’èsi betg uschia che nus essan leds, sche auters èn sincers cun nus? Saja quai en famiglia, en relaziuns, tranter amis ed er a la lavur. En sasez en tut la societad! Sche nus giain a cumprar en insatge, sperain nus ch’il vendider dia la vardad. Nus essan leds da betg vegnir engianads, perquai che nus savain che nus na pudain betg controllar tut. Sulettamain uschia funcziuni da viver ensemen.

Cler, mintgatant vegn ins en situaziuns, nua ch’ina manzegna fiss forsa meglier che la vardad. E quai n’è betg adina simpel. I dat era las uschenumnadas manzegnas necessarias. Ed uschia schainsa forsa mintgatant ina pitschna tschagula, forsa senza esser conscients e senza avair gronds sentiments da culpa.

Nagin n’è pli sontg che Maria, uschia ch’i va mintgatant forsa era da betg dir la vardad. Jau na manegel era betg exnum piculezzas e manzegnas necessarias. Jau manegel manzegnas, nua che autra glieud vegn engianada, prendida per il tgil e nua ch’ella avess in’autra opiniun u sa depurtass auter, sch’ella savess la vardad. I po esser manzegnas da tutta sorts, manzegnas che n’èn insumma betg en urden.

Il motiv principal daco ch’i dat talas manzegnas è tenor mia opiniun il curaschi ch’i dovra per dir la vardad. Per part grond curaschi. La vardad fa mal, savens pli mal ch’ina manzegna. Giustifitgescha quai però da dir manzegnas? Na! Mintgin ha il dretg da vegnir a savair la vardad. Dir manzegnas è insatge per glieud debla, dir la vardad insatge per glieud ferma. Ferma glieud po ir enturn cun consequenzas. Saja quai ch’ils conumans èn vilads, trists, nars e n’han pli nagina fidanza en ins. Ferma glieud è buna da star sur quai e chapescha che la vardad è la finala tuttina la meglra varianta. Glieud debla viva pli gugent decennis a la lunga cun manzegnas, na dorma betg bain e va, tut segund il decurs da la vita, en fossa cun manzegnas.

La finala ston tuts savair sezs, sch’els vulan dir manzegnas u betg. En quel reguard è l’uman uschè liber e nagin na po far prescripziuns. Ins sto però esser conscient: dir la vardad mussa il caracter, dir manzegnas però era.

*Bettina Cadotsch è creschida si a Savognin ed ha fatg la matura bilingua a Cuira. Actualmain lavura ella sco praticanta tar Radio Südostschweiz.