Autofahren lernen

Derzeit lernt mein kleiner Bruder gerade Autofahren. Er ist in der Phase, wo er zwar Autofahren kann, er jedoch noch sehr viel automatisieren und einige Kilometer fahren muss. Doch er ist sehr motiviert und hofft, bald den Führerschein zu machen.

Autofahren ist nämlich für viele ein grosses Ziel. Auch für mich war es das. Deshalb konnte ich meinen 18. Geburtstag kaum erwarten. Wenn man Autofahren kann, ist man unabhängig von den Postautos, die nur jede Stunde einmal das Dorf passieren,  und man kann kommen und gehen, wann man will. Vor allem, wenn man in einem Dorf wohnt und nicht in einer Stadt, wo jede zehn Minuten ein Bus fährt, ist es super, den Führerausweis zu haben.

Doch bis es so weit ist, braucht es viel Übung. Als ich mich das erste Mal hinters Steuerrad setzte und zu starten versuchte, sprang das Auto nicht richtig an. Es tönte komisch. Mein Vater sagte immer und immer wieder, ich solle die Kupplung langsam kommen lassen und im gleichen Augenblick Gas geben. Das ist leichter gesagt als getan! Auch beim zweiten und dritten Mal gelang es mir nicht. Nach ein paar Krisen und Diskussionen, dass nicht das Auto, sondern ich schuld sei, versuchte ich mich wieder im Autofahren.

Mit der Praxis, den vielen Fahrstunden mit Papa und Mamma und mit den Fahrschullektionen, lernte ich tipptopp Auto fahren. Wie beim Schwimmen, beim Velofahren und auch beim Skifahren ist es auch beim Autofahren wichtig, die Motivation nicht zu verlieren, wenn es einmal nicht so klappt, wie gewollt. Der eine oder andere denkt wahrscheinlich, dass er nie Autofahren lernt. In diesen Augenblicken ist es wichtig, dass man sich an folgende Redewendung erinnert: «Es ist noch kein Meister vom Himmel gefallen.»

Diese Redensart kann einerseits für den Jugendlichen hilfreich sein, andererseits auch für die Eltern. Die Eltern fahren schon seit ein paar Jahrzehnten Auto und bei ihnen ist alles automatisiert. Deshalb können sie nicht verstehen, dass ihr Sohn oder ihre Tochter Mühe hat, alles im gleichen Augenblick zu tun: den Blinker setzen, schalten, nach links und nach rechts schauen und auf mögliche Velofahrer achten. Es ist wichtig, dass sich die Eltern erinnern, wie es am Anfang für sie war. Wenn sie dies tun, sind sie auch geduldiger.

Eine gewisse Spannung bleibt jedoch, wenn man sich zusammen ins Auto setzt. Autofahren lernen ist nämlich schon etwas Anspruchsvolleres als zum Beispiel Velofahren lernen. Beim Velofahren kann man stürzen und sich das Knie verletzen. Beim Autofahren kann schnell etwas sehr Schlimmes geschehen. Deshalb ist es wichtig, immer daran zu denken: Sobald man sich ins Auto setzt, sitzt man in einer Waffe. Und mit einer Waffe kann man …

… das wünscht man jedoch niemandem. Leider kann man nicht ausschliessen, dass auf der Strasse etwas Tragisches passiert. Umso mehr ist es für die Eltern ein spezieller Moment, wenn ihr Kind den Führerschein gemacht hat und alleine Auto fahren darf. Sie hoffen, dass es pflichtbewusst fährt, gefährliche Situationen richtig einschätzt und dass immer ein Schutzengel an seiner Seite ist.

Bettina Cadotsch ist in Savognin aufgewachsen und hat in Chur die zweisprachige Matura gemacht. Im Moment arbeitet sie als Praktikantin bei Radio Südostschweiz.

Emprender dad ir cun auto

Per il mument è mes frar giuven gist vi da far l’examen dad ir cun auto. El è en la fasa, nua ch’el sa bain ir cun auto, sto però anc automatisar ina massa e far in pèr kilometers. El è dentant fitg motivà e spera ch’el haja gia prest il permiss.

Savair ir cun auto è numnadamain per blers ina gronda finamira. Era per mai èsi stà ina. Perquai hai jau strusch pudì spetgar mes 18avel anniversari. Sch’ins sa ir cun auto, alura èn ins independent da las postas che passan mo mintg’ura la vischnanca ed ins po ir e turnar cura ch’ins vul. Surtut sch’ins abita en in vitg e betg en ina citad, nua che circulescha mintga diesch minutas in bus, èsi super d’avair il permiss dad ir cun auto.

Ma enfin ch’igl è uschè lunsch dovri bler exercizi. Cura che jau sun l’emprima giada ma tschentada davos la roda da manar ed hai empruvà da partir, n’ha l’auto betg avià sco ch’i tutga. I tunava curius. Bab scheva perquai adina danovamain che jau haja da laschar vegnir si plaun l’accuplament e da dar gas il medem mument. Quai è prest ditg! Era la segunda e la terza giada n’èsi betg gartegià. Suenter in pèr crisas e discussiuns che betg l’auto na saja la culpa, mabain jau, hai jau alura puspè empruvà da guidar.

Cun la pratica, las bleras uras sin via cun bab e mamma e cun las lecziuns d’autoscola hai jau alura emprendì dad ir tiptop cun auto. Sco tar il nudar, l’ir cun velo ed era l’ir cun skis èsi era tar l’ir cun auto impurtant da betg perder la motivaziun, sch’i na va ina giada betg sco quai ch’ins vul. In u l’auter pensa mettain ch’el na vegnia mai d’emprender dad ir cun auto. En quests muments èsi impurtant da sa regurdar da la locuziun: «Nagin na nascha sco artist.»

Questa moda da dir po d’ina vart esser utila per il giuvenil, da l’autra vart era per ils geniturs. Ils geniturs van gia in pèr decennis cun auto e per els è tut automatisà. Uschia na pon els betg chapir che lur mat u matta ha fadia da far tut il medem mument: metter il sbrinzlader, midar transmissiun, guardar a dretga ed a sanestra e far attenziun ad eventuals velocipedists. Perquai èsi impurtant ch’ils geniturs sa regordian co ch’igl è stà per els a l’entschatta. Alura han els dapli pazienza.

Ina tscherta tensiun resta però tuttina, sch’ins sesa ensemen en l’auto. Emprender dad ir cun auto è numnadamain schont insatge pli pretensius che per exempel emprender dad ir cun velo. Cun ir cun velo pon ins crudar ed avair ina blessura vid la schanuglia. Cun ir cun auto poi svelt capitar insatge fitg nausch. Perquai èsi impurtant dad adina tegnair endament: uschespert ch’ins sa tschenta en l’auto, ses’ins en in’arma. E cun in’arma pon ins …

… quai è però insatge ch’ins na giavischa a nagin. Deplorablamain na pon ins betg excluder ch’i capita insatge tragic sin via. Tant pli èsi per ils geniturs in mument spezial, cura che lur uffant ha il permiss e dastga ir sulet cun auto. Els speran ch’el giaja a moda conscienziusa, ch’el possia giuditgar endretg situaziuns privlusas e ch’el haja adina cun el in anghel pertgirader.

Bettina Cadotsch è creschida si a Savognin ed ha fatg la matura bilingua a Cuira. Actualmain lavura ella sco praticanta tar Radio Südostschweiz.