Die guten Vorsätze für das neue Jahr

Von Bettina Cadotsch

Wer treibt bereits Sport? Abnehmen ist nämlich ein Vorsatz, der beim einen oder anderen sicher auch auf der Liste für das Jahr 2017 steht. Vielleicht wegen des Fondue chinoise, des Raclette oder der Guetsli, die zwischen Weihnacht und Neujahr bei vielen auf dem Tisch zu finden waren. Die erste Woche des Jahres 2017 ist bereits vorbei. Nun, wie steht es um die Vorsätze?

Neues Jahr – neues Glück, damit halten es viele. Zu den klassischen Vorsätzen gehören etwa mehr Sport treiben, sich gesünder ernähren, das Rauchen aufgeben, sich weniger Stress aussetzen, mehr Zeit mit der Familie verbringen und sparen.

Ich bezweifle jedoch, dass viele dieser Vorsätze nachhaltig sind und befolgt werden. Die eine oder andere fasst sich vielleicht auch nur Vorsätze, um das schlechte Gewissen zu beruhigen. Wie wichtig einem der Vorsatz wirklich ist, ist schwer zu sagen. Möglicherweise muss man deswegen zwischen Vorsätzen und Zielen unterscheiden. Meiner Meinung nach sind Ziele etwas, das man unbedingt erreichen will. Ziele sind häufig etwas Persönliches, und man ist frustriert, wenn man sie nicht erreicht. Ein Vorsatz ist dagegen oft viel allgemeiner formuliert. Man nimmt ihn wohl ernst, aber wenn die Umsetzung nicht gelingt, ist dies selten tragisch. Ein nicht eingehaltener Vorsatz wird einfach wieder auf die Liste für das nächste Jahr notiert, ohne dass man über Gebühr enttäuscht wäre.

Dasselbe gilt für den Vorsatz, mehr Sport zu treiben. Zu Beginn ist man übermotiviert und rennt und schwitzt ohne Pause. Dann kommt schnell der Muskelkater und die Lust schwindet. Die Motivation währt nicht lange, und man fragt sich, ob sich der Aufwand überhaupt lohnt. Manch einer hat die Laufschuhe wohl bereits wieder bis zum nächsten Jahr verstaut. Meistens mit dem Vorwand, man habe es wenigstens versucht.

Ich frage mich oft, weshalb man überhaupt Vorsätze für das neue Jahr fasst. Wenn man ehrlich ist, macht es keinen Sinn, ein Datum zu nehmen, um etwas zu ändern oder zu verbessern, das einen schon lange stört. Eigentlich hat man jeden Tag die Chance, Dinge anders oder besser zu machen. Dieser Satz mag etwas kitschig erscheinen, aber er stimmt. Wenn man wirklich etwas ändern will, kann man dies heute tun und nicht erst morgen. Weshalb warten, bis Silvester vorüber ist?

Früher fasste auch ich Vorsätze. Ich war motiviert und überzeugt, ich würde sie einhalten können. Ein Jahr dauert ja doch eine ganze Weile. Ich kann mich nicht mehr an die Vorsätze erinnern, wahrscheinlich waren sie auch von der klassischen Art. Ich werde wohl gedacht haben, wie schön es wäre, dies oder das anders zu machen, nicht aber, was ich wirklich würde ändern wollen. Heute bin ich disziplinierter, aber Vorsätze fasse ich trotzdem keine mehr. Wenn mich etwas stört, versuche ich das unmittelbar zu ändern. Ich warte nicht bis zum Jahreswechsel.

Ich bin aber auch der Ansicht, dass Vorsätze durchaus wichtig sein können. Es gibt Menschen, die einfach einen Startschuss brauchen. Es mag nützlich sein, wenn man weiss, dass man am 1. Januar mit etwas anfangen oder aufhören muss und nicht einen Tag später. Dies hilft besonders Leuten, die aus verschiedenen Gründen immer alles auf später verschieben. Für sie kann ein Vorsatz ein grosser Motivationsschub sein, endlich eine längst nötige Änderung im Leben vorzunehmen.

An alle, die für das Jahr 2017 Vorsätze gefasst haben und noch immer motiviert sind: Das Jahr ist noch jung, ihr habt genug Zeit, um euch an sie zu halten!

Bettina Cadotsch ist in Savognin aufgewachsen und hat in Chur die zweisprachige Matura gemacht. Im Moment arbeitet sie als Praktikantin bei Radio Südostschweiz.

Ils buns propiests per l’onn nov

Da Bettina Cadotsch

Tgi ha gia entschet a far sport? Prender giu è numnadamain il propiest che vegn franc ad esser era per l’onn 2017 sin la glista da l’in u l’auter. Forsa pervia da la fondue chinoise, il raclette ed ils creflis ch’èn stads durant Nadal e Bumaun tar blers sin maisa. L’emprima emna dal 2017 è dentant gia passada. Pia, tge fan ils propiests?

Nov onn – nov cletg, uschia la tenuta da blers. Tar ils propiests classics tutgan tranter auter far dapli sport, mangiar pli sanadaivlamain, chalar da fimar, avair pli pauc stress, avair dapli temp per la famiglia u spargnar daners.

Jau dubit però che blers da quels propiests sajan duraivels e vegnian realisads. L’in u l’auter fa forsa era mo propiests per quietar la nauscha conscienza. Quant impurtant ch’il propiest è propi, è grev da dir. Forsa èsi per quest motiv da differenziar tranter propiests e finamiras: tenor mia opiniun èn finamiras insatge ch’ins less cuntanscher en mintga cas. Quai ha da far cun il fatg che finamiras èn savens fitg persunalas ed ins è frustrà, sch’ins na cuntanscha betg ellas. In propiest percunter è savens bler pli general. Ins al prenda bain era serius, ma sch’i na gartegia betg, n’è quai per il pli betg uschè tragic. Uschia vegn il propiest betg observà simplamain puspè nudà sin la glista da l’onn proxim, senza ch’ins fiss frustrà pli ch’in tant.

Il medem vala per il propiest da far dapli sport. Al cumenzament èn ins surmotivà e fa sport senza pausa. Alura survegn ins spert barbagiat ed il gust svanescha. Uschia n’è la motivaziun betg propi d’ina durada da num ed ins sa dumonda, sch’i portia insumma insatge da sa dar fadia. Perquai èn ils chalzers da currer tar baininqual mettain gia puspè dustads fin l’auter onn. Il pli cun la vercla ch’ins haja almain empruvà.

Jau ma dumond savens, pertge ch’ins fa insumma propiests per l’onn nov. Sch’ins è sincer, alura na fai betg senn da duvrar ina data per midar insatge che disturba gia daditg u ch’ins less meglierar gia daditg. En sasez han ins mintga di la schanza da midar e meglierar situaziuns. Era sche questa construcziun tuna eventualmain in pau da kitsch, igl è tuttina la vardad. Sch’ins less propi midar insatge, pon ins far quai oz e betg pir damaun. Pertge spetgar fin che Son Silvester è passà?

Pli baud nudava era jau propiests. Jau era motivada e pensava ch’i saja pussaivel da realisar els. In onn è gea lung. Jau ma regord gnanc pli tgenins ch’igl era, probablamain er ils classics. Jau vegn simplamain ad avair studegià tge che fiss forsa anc bel da midar, però betg tge che jau vuleva propi midar. Uschia n’hai jau mai realisà mes propiests. Oz sun jau pli disciplinada che pli baud, tuttina na fatsch jau nagins propiests pli. Jau emprov da midar u meglierar insatge quel di ch’i disturba mai. Jau na spetg pia betg fin l’onn nov.

Jau sun però da l’avis che propiests pon senz’auter er esser impurtants. I dat glieud che dovra simplamain in culp da partenza. I po esser bun, sch’ins sa ch’ins sto entschaiver u chalar insatge il 1. da schaner e betg in di pli tard. Quai è nizzaivel surtut per glieud che sposta per differents motivs adina tut sin pli tard. Uschia po in propiest er avair ina gronda influenza per varsaquants e motivar els da midar insatge en lur vita.

Per tut quels che han nudà propiests per il 2017 e n’han betg gia pers la motivaziun: l’onn è anc giuven, vus avais anc temp da realisar els!

Bettina Cadotsch è creschida si a Savognin ed ha fatg la matura bilingua a Cuira. Actualmain lavura ella sco praticanta tar Radio Südostschweiz