×

In pic-nic cun Quirina Lechmann

La saira rumantscha ei tut el segn dalla musica classica. Quirina Lechmann, la cantadura da Opera ei hosp el studio da Radio Südostschweiz el discuors cun Pablo Maissen.

Las colluraziun en las canzuns classicas ei per Quirina Lechmann ina gronda passiun. Entschiet hai schon avon biars onns. Stai da ver la faszinaziun per pop ni rock ha Quirina Lechmann anflau sia passiun en la musica classica. L’entschata ha in clavazin purtau la sadisfacziun. Lu ein ils tuns aults stai la gronda finamira da Quirina. E quella finamira ha ella contunschiu cun siu agien instrument.

Ins duei bu crer che la Opera ei mo zatgei per glieud 60 plus. « Opera ei universala » declara Quirina. Ils temas che vegnan pri atras ein historias che ein adina puspei actualas. Ir a tetlar ina Opera ei in consum cun bia variaziun: Ins auda ils tuns, ins vezza il teater, ins viva la historia che vegn presentada cun ni era senza orchester sinfonic. Sco aspectatur fa ins part dalla Opera.

frasaziuns e vibraziuns

Sin la damonda daco che musica classica seigi il siu, ha Quirina Lechmann detg che cantar Opera ei fetg grev. Ei dat biaras frasaziuns e vibraziuns ella vusch. E quei ei la gronda sfida. Tier ils tuns va ei oravon tut per ils aschi numnai « arco-legato » quei ei tuns che vegnan cantai senza interupziun. Naturalmein datti era exepziuns che semeglian il still da hip-hop. Per exempel la canzun da «Il Barbiere di Siviglia ». Las variaziuns che ei fan cun musica electronica e cant da opera faszinescha Quirina. La canzun da « Lucia di Lammermoor - il dolce suono » vegn presentada oz sco « Diva-Dance ». E gest quella canzun ei in dils projects che empleina la gliesta per il onn 2018 declara Quirina.

Sco indezi per persunas che han bu experienscha cun il cant da Opera. Miezferm (mezzoforte) cant ei sco ins clamas zatgi cun ferma vusch. Ferm cant (forte) ei sco ins des ina berglada. Cant normal da pop ni da jazz ei plitost sco in discuors dabass en stiva.

Pablo Maissen

Kultur