Gedanken zum Klimamarsch

1. Schu früaner hemmer gsunga
vum Tod vur grüana Lunga
hüt schnüfflisch dussa und dahai
schtatt Suurschtoff nu no CO2!

2. Mit Billigflug in d’ Nochberstadt
Chemie macht jeda Acker platt
mim SUV im Feriaschtau
do bruuchsch jo an App als Ehefrau!

3. Miar sind voll technologisiart
vum Internet terrorisiart
as denkt KI, as lenkt 5G
schu rieslets Mikroplastikschnee!

4. Puttni, Trampel, Egoman,
Salvolini, Oroban,
Bolzanarr und Penn-Marie,
DingDongDung and AFD (EiÄffDii)!

5. Stocher, Klöppel, Görgali
sind in dem Chörli au drbii.
Dia kümmerend sich nu zum Schii
um ds Volk und das isch nüüt für mii!

6. D’ Politik, das hani grafft,
isch d’ Lobby vu dr Wältwirtschaft
wäg iarer Gier nach Geld und Macht
haissts für dia Ärda bald «Guat Nacht»!

7. Miar müand üüs alli ändara
susch wird das Böötli kentara
’s git nu dia Wält, kai zwaiti meh
drum sött ma schampar Acht druf geh.

8. Ans WEF vu Landquart nach Davos
dia Wanderig isch ganz famos
jo d’ Klimajugend git nit uuf
i wünschara a langa Schnuuf!